asrar kaise khol dun us aab-o-gil ke main

asrār kaise khol duuñ us āb-o-gil ke maiñ

mahkā huā huuñ raat kī raanī se mil ke maiñ

kyā jāniye ki kaise patā chal gayā use

kahtā nahīñ kisī se bhī ahvāl dil ke maiñ

ḳhāk-e-shifā kahīñ kī bhī aa.ī nahīñ hai raas

ab āsmān par kahīñ dekhūñgā khil ke maiñ

ab bhī vahī hai pyaas kī shiddat vahī huuñ maiñ

paanī to pahle bhī nahīñ piitā thā hil ke maiñ

chehre se lag rahā thā ki pazhmurdagī sī hai

naḳhre uThā rahā huuñ dil-e-muzmahil ke maiñ

damḌī nahīñ hai jeb meñ lekin ye dil to hai

koī bhī daam dūñgā 'yashab' us ke til ke maiñ

asrar kaise khol dun us aab-o-gil ke main

mahka hua hun raat ki rani se mil ke main

kya jaaniye ki kaise pata chal gaya use

kahta nahin kisi se bhi ahwal dil ke main

KHak-e-shifa kahin ki bhi aai nahin hai ras

ab aasman par kahin dekhunga khil ke main

ab bhi wahi hai pyas ki shiddat wahi hun main

pani to pahle bhi nahin pita tha hil ke main

chehre se lag raha tha ki pazhmurdagi si hai

naKHre uTha raha hun dil-e-muzmahil ke main

damDi nahin hai jeb mein lekin ye dil to hai

koi bhi dam dunga 'yashab' us ke til ke main