ata kar di kisi ne wo bala ki tishnagi mujhko

'atā kar dī kisī ne vo balā kī tishnagī mujh ko

na raas aa.egī shāyad zindagī-bhar zindagī mujh ko

mirī ye bebasī to ḳhair kuchh aisī nahīñ hamdam

magar jiine nahīñ degī tirī bechārgī mujh ko

bhalā maiñ rutba-e-dīvāngī kā mustahiq kab thā

kisī ke pyaar ne de dī yūñhī dīvāngī mujh ko

koī manzil bhī ho vo merī manzil ho nahīñ saktī

azal se hī milī hai be-sabab āvārgī mujh ko

mujhe to zindagī meñ bārhā mahsūs hotā hai

mire mā'sūm ḳhvāboñ ne hī dī hai naġhmagī mujh ko

'ata kar di kisi ne wo bala ki tishnagi mujh ko

na ras aaegi shayad zindagi-bhar zindagi mujh ko

meri ye bebasi to KHair kuchh aisi nahin hamdam

magar jine nahin degi teri bechaargi mujh ko

bhala main rutba-e-diwangi ka mustahiq kab tha

kisi ke pyar ne de di yunhi diwangi mujh ko

koi manzil bhi ho wo meri manzil ho nahin sakti

azal se hi mili hai be-sabab aawargi mujh ko

mujhe to zindagi mein barha mahsus hota hai

mere ma'sum KHwabon ne hi di hai naghmagi mujh ko