aur koi chaara na tha aur koi surat na thi

aur koī chārā na thā aur koī sūrat na thī

us ke rahe ho ke ham jis se mohabbat na thī

itne baḌe shahr meñ koī hamārā na thā

apne sivā āshnā ek bhī sūrat na thī

is bharī duniyā se vo chal diyā chupke se yuuñ

jaise kisī ko bhī ab us kī zarūrat na thī

ab to kisī baat par kuchh nahīñ hotā hameñ

aaj se pahle kabhī aisī to hālat na thī

sab se chhupāte rahe dil meñ dabāte rahe

tum se kaheñ kis liye ġham thā vo daulat na thī

apnā to jo kuchh bhī thā ghar meñ paḌā thā sabhī

thoḌā bahut chhoḌnā chor kī aadat na thī

aisī kahānī kā maiñ āḳhirī kirdār thā

jis meñ koī ras na thā koī bhī aurat na thī

sher to kahte the ham sach hai ye 'alvī' magar

tum ko sunāte kabhī itnī bhī fursat na thī

aur koi chaara na tha aur koi surat na thi

us ke rahe ho ke hum jis se mohabbat na thi

itne baDe shahr mein koi hamara na tha

apne siwa aashna ek bhi surat na thi

is bhari duniya se wo chal diya chupke se yun

jaise kisi ko bhi ab us ki zarurat na thi

ab to kisi baat par kuchh nahin hota hamein

aaj se pahle kabhi aisi to haalat na thi

sab se chhupate rahe dil mein dabaate rahe

tum se kahen kis liye gham tha wo daulat na thi

apna to jo kuchh bhi tha ghar mein paDa tha sabhi

thoDa bahut chhoDna chor ki aadat na thi

aisi kahani ka main aaKHiri kirdar tha

jis mein koi ras na tha koi bhi aurat na thi

sher to kahte the hum sach hai ye 'alwi' magar

tum ko sunate kabhi itni bhi fursat na thi