aur kuchh tez chalin ab ke hawaen shayad

aur kuchh tez chalīñ ab ke havā.eñ shāyad

ghar banāne kī milīñ ham ko sazā.eñ shāyad

bhar ga.e zaḳhm masīhā.ī ke marham ke baġhair

maañ ne kī haiñ mire jiine kī du'ā.eñ shāyad

maiñ ne kal ḳhvāb meñ ḳhud apnā lahū dekhā hai

Tal ga.iiñ sar se mire saarī balā.eñ shāyad

maiñ ne kal jin ko añdheroñ se dilā.ī thī najāt

ab vahī log mire dil ko jalā.eñ shāyad

phir vahī sar hai vahī sañg-e-malāmat us kā

dar-guzar kar diiñ mirī us ne ḳhatā.eñ shāyad

ab vo kahtā nahīñ mujh se ki barahna tū hai

chhin ga.iiñ us ke badan kī bhī qabā.eñ shāyad

is bharose pe khilā hai mirā darvāza 'ra.īs'

rūThne vaale kabhī lauT ke aa.eñ shāyad

aur kuchh tez chalin ab ke hawaen shayad

ghar banane ki milin hum ko sazaen shayad

bhar gae zaKHm masihai ke marham ke baghair

man ne ki hain mere jine ki du'aen shayad

main ne kal KHwab mein KHud apna lahu dekha hai

Tal gain sar se mere sari balaen shayad

main ne kal jin ko andheron se dilai thi najat

ab wahi log mere dil ko jalaen shayad

phir wahi sar hai wahi sang-e-malamat us ka

dar-guzar kar din meri us ne KHataen shayad

ab wo kahta nahin mujh se ki barahna tu hai

chhin gain us ke badan ki bhi qabaen shayad

is bharose pe khila hai mera darwaza 'rais'

ruThne wale kabhi lauT ke aaen shayad