aur kya hoga dil-e-mahjur ki aaghosh mein

aur kyā hogā dil-e-mahjūr kī āġhosh meñ

jal rahā hai tuur barq-e-tūr kī āġhosh meñ

yuuñ lagā rakhī hai dil se zindagī kī aarzū

jaise tifl-e-jāñ-ba-lab mazdūr kī āġhosh meñ

nuur hī kī justujū meñ kaT ga.ī umr-e-azīz

dam bhī parvāne kā niklā nuur kī āġhosh meñ

thak ga.e the justujū meñ hazrat-e-insān kī

so ga.e ham duḳhtar-e-añgūr kī āġhosh meñ

jāgnā vaa.iz kā sub.h-e-hashr tak mumkin nahīñ

so.e haiñ hazrat ḳhayāl-e-hūr kī āġhosh meñ

mere sāġhar meñ hai 'shāhid' ab vo jān-e-mai-kadā

gum thī jo ḳhayyām nīshpūr kī āġhosh meñ

aur kya hoga dil-e-mahjur ki aaghosh mein

jal raha hai tur barq-e-tur ki aaghosh mein

yun laga rakhi hai dil se zindagi ki aarzu

jaise tifl-e-jaan-ba-lab mazdur ki aaghosh mein

nur hi ki justuju mein kaT gai umr-e-aziz

dam bhi parwane ka nikla nur ki aaghosh mein

thak gae the justuju mein hazrat-e-insan ki

so gae hum duKHtar-e-angur ki aaghosh mein

jagna waiz ka subh-e-hashr tak mumkin nahin

soe hain hazrat KHayal-e-hur ki aaghosh mein

mere saghar mein hai 'shahid' ab wo jaan-e-mai-kada

gum thi jo KHayyam nishpur ki aaghosh mein