aur phir humne bhi apne dil ka sauda kar liya

aur phir ham ne bhī apne dil kā saudā kar liyā

baa'd tere ham ne apnā dil khilaunā kar liyā

uf ye tere haath piile uf siñdūrī maañg ye

ik zarā nārāzgī meñ tū ne ye kyā kar liyā

thā nahīñ sūraj magar itnā añdherā bhī na thā

ham ne ḳhud battī bujhā.ī ḳhud añdherā kar liyā

koī chāra hī nahīñ thā paas mere is liye

terī jaisī ‘ādateñ kiiñ ḳhud ko tujh sā kar liyā

ab kahāñ mujh sā milegā tum ko duniyā meñ koī

mujh se dhokā kar ke tum ne ḳhud se dhokā kar liyā

aur phir hum ne bhi apne dil ka sauda kar liya

ba'd tere hum ne apna dil khilauna kar liya

uf ye tere hath pile uf sinduri mang ye

ek zara naraazgi mein tu ne ye kya kar liya

tha nahin suraj magar itna andhera bhi na tha

hum ne KHud batti bujhai KHud andhera kar liya

koi chaara hi nahin tha pas mere is liye

teri jaisi ‘adaten kin KHud ko tujh sa kar liya

ab kahan mujh sa milega tum ko duniya mein koi

mujh se dhoka kar ke tum ne KHud se dhoka kar liya