auron ke waste jo ajal ka payam hai

auroñ ke vāste jo ajal kā payām hai

mere liye vo āb-e-baqā-e-davām hai

pūchhī jo qatl-e-'ām kī taujīh to kahā

guzrā abhī yahāñ se qayāmat-ḳhirām hai

tū dost ho ḳhudā kā ye mushkil nahīñ tujhe

nau’-e-bashar tirā bhī 'ajā.ib maqām hai

pūchhā kisī ne sham' se detā hai jaan kyoñ

us ne diyā javāb ye soz-e-tamām hai

āġhāz kā patā hai na manzil kī kuchh ḳhabar

kuchh der ko sarā-e-kuhan meñ qiyām hai

'āshiq huā hai us pe ye nādān dil mirā

jis kā sitam jahān meñ mash.hūr-e-‘ām hai

mohlat zarā mujhe abhī kuchh aur chāhiye

ai marg merā kaam abhī nā-tamām hai

auron ke waste jo ajal ka payam hai

mere liye wo aab-e-baqa-e-dawam hai

puchhi jo qatl-e-'am ki taujih to kaha

guzra abhi yahan se qayamat-KHiram hai

tu dost ho KHuda ka ye mushkil nahin tujhe

nau’-e-bashar tera bhi 'ajaib maqam hai

puchha kisi ne sham' se deta hai jaan kyon

us ne diya jawab ye soz-e-tamam hai

aaghaz ka pata hai na manzil ki kuchh KHabar

kuchh der ko sara-e-kuhan mein qiyam hai

'ashiq hua hai us pe ye nadan dil mera

jis ka sitam jahan mein mashhur-e-‘am hai

mohlat zara mujhe abhi kuchh aur chahiye

ai marg mera kaam abhi na-tamam hai