auron ki baat yan bahut kam hai
auroñ kī baat yaañ bahut kam hai
zikr-e-ḳhair aap kā hī har dam hai
jaan tak to nahīñ hai tujh se dareġh
ai maiñ qurbān kyuuñ tū barham hai
gaah ronā hai kaah hañsnā hai
āshiqī kā bhī zor aalam hai
ḳhush na paayā kisī ko yaañ ham ne
dekhī duniyā sarā-e-mātam hai
aah jis din se aañkh tujh se lagī
dil pe har roz ik nayā ġham hai
magar aañsū kisū ke poñchhe haiñ
āstīñ aaj kyuuñ tirī nam hai
us ke aariz pe hai araq kī buuñd
yā ki 'bedār' gul pe shabnam hai
auron ki baat yan bahut kam hai
zikr-e-KHair aap ka hi har dam hai
jaan tak to nahin hai tujh se daregh
ai main qurban kyun tu barham hai
gah rona hai kah hansna hai
aashiqi ka bhi zor aalam hai
KHush na paya kisi ko yan hum ne
dekhi duniya sara-e-matam hai
aah jis din se aankh tujh se lagi
dil pe har roz ek naya gham hai
magar aansu kisu ke ponchhe hain
aastin aaj kyun teri nam hai
us ke aariz pe hai araq ki bund
ya ki 'bedar' gul pe shabnam hai
- Deewan-e-Bedar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
