auron ki tarah se ab na Talo

auroñ kī tarah se ab na Taalo

ham ko apne gale lagā lo

gaalī na diyā karo kisī ko

bas bas apnī zabāñ sambhālo

ġhurfe meñ se jhāñk paas apne

ġhairoñ ko hañsī-ḳhushī bulā lo

aur ham se hazār haif pyāre

muñh ko sharmā ke yuuñ chhupā lo

hai qāfila umr kā ravāna

raḳht apnā musāfiro sambhālo

but-ḳhāne kī raah ko 'sulaimān'

chhoḌo tum aur rah-e-ḳhudā lo

auron ki tarah se ab na Talo

hum ko apne gale laga lo

gali na diya karo kisi ko

bas bas apni zaban sambhaalo

ghurfe mein se jhank pas apne

ghairon ko hansi-KHushi bula lo

aur hum se hazar haif pyare

munh ko sharma ke yun chhupa lo

hai qafila umr ka rawana

raKHt apna musafiro sambhaalo

but-KHane ki rah ko 'sulaiman'

chhoDo tum aur rah-e-KHuda lo