azal se justuju ki sargirani le ke aaya hun

azal se justujū kī sargirānī le ke aayā huuñ

talāsh-e-husn hai sham.a-e-javānī le ke aayā huuñ

tirī mahfil se hasrat kī nishānī le ke aayā huuñ

vafā kī aarzū thī sargirānī le ke aayā huuñ

jahāñ maiñ zauq-e-husn-e-jāvedānī le ke aayā huuñ

kahāñ kī kis ḳharābe meñ kahānī le ke aayā huuñ

mirī hastī zamāne ke miTā.e se nahīñ miTtī

azal se maiñ nishān-e-be-nishānī le ke aayā huuñ

mirī ḳhāmosh sūrat ā.ina-dār-e-mohabbat hai

maiñ ā.īne se husn-e-be-zabānī le ke aayā huuñ

bhaḌak uTThūñ na ḳhud apnī navā-e-sho.ala-sāmāñ se

ḳhas-o-ḳhāshāk meñ shola-bayānī le ke aayā huuñ

mohabbat ko to umr-e-jāvedāñ bhī muḳhtasar hogī

ilāhī kyā karūñ maiñ umr-e-fānī le ke aayā huuñ

'zafar' kyā taab laa.e koī tūfān-e-mohabbat kī

havā ke sāmne sham.a-e-e-javānī le ke aayā huuñ

azal se justuju ki sargirani le ke aaya hun

talash-e-husn hai shama-e-jawani le ke aaya hun

teri mahfil se hasrat ki nishani le ke aaya hun

wafa ki aarzu thi sargirani le ke aaya hun

jahan main zauq-e-husn-e-jawedani le ke aaya hun

kahan ki kis KHarabe mein kahani le ke aaya hun

meri hasti zamane ke miTae se nahin miTti

azal se main nishan-e-be-nishani le ke aaya hun

meri KHamosh surat aaina-dar-e-mohabbat hai

main aaine se husn-e-be-zabani le ke aaya hun

bhaDak uTThun na KHud apni nawa-e-shoala-saman se

KHas-o-KHashak mein shola-bayani le ke aaya hun

mohabbat ko to umr-e-jawedan bhi muKHtasar hogi

ilahi kya karun main umr-e-fani le ke aaya hun

'zafar' kya tab lae koi tufan-e-mohabbat ki

hawa ke samne shama-e-e-jawani le ke aaya hun