azal se naz-parwar hun KHiram-e-naz-parwar ka

azal se nāz-parvar huuñ ḳhirām-e-nāz-parvar kā

mirī hastī bharā kartī hai dam āshob-e-mahshar kā

kiyā hai aaj va.ada kis ne aane kā ḳhudā jaane

nazar aatā hai chashm-e-shauq darvāza mire ghar kā

liye phirtā hai saath apne ġhubār-e-ḳhāk kī sūrat

mire siine meñ har josh-e-nafas jhoñkā hai sarsar kā

sahar ke saath hogā chaak merā dāman-e-hastī

ba-rang-e-sham.a bazm-e-dahr meñ mehmāñ huuñ shab bhar kā

banā.ī ek hī donoñ kī sūrat kāhish-e-ġham ne

gumāñ hotā hai tār-e-pairahan par jism-e-lāġhar kā

diyā mayyat ko merī ġhusl āb-e-girya ne mere

huā ehsān bhī mujh par to apne dīda-e-tar kā

ḳhayāl-e-ahl-e-duniyā aa sake 'taufīq' kyā dil meñ

nahīñ ye aa.ina muhtāj tasvīr-e-sikandar kā

azal se naz-parwar hun KHiram-e-naz-parwar ka

meri hasti bhara karti hai dam aashob-e-mahshar ka

kiya hai aaj wada kis ne aane ka KHuda jaane

nazar aata hai chashm-e-shauq darwaza mere ghar ka

liye phirta hai sath apne ghubar-e-KHak ki surat

mere sine mein har josh-e-nafas jhonka hai sarsar ka

sahar ke sath hoga chaak mera daman-e-hasti

ba-rang-e-shama bazm-e-dahr mein mehman hun shab bhar ka

banai ek hi donon ki surat kahish-e-gham ne

guman hota hai tar-e-pairahan par jism-e-laghar ka

diya mayyat ko meri ghusl aab-e-girya ne mere

hua ehsan bhi mujh par to apne dida-e-tar ka

KHayal-e-ahl-e-duniya aa sake 'taufiq' kya dil mein

nahin ye aaina muhtaj taswir-e-sikandar ka