aziyyat-nak hota hai kisi ke hijr mein rahna

aziyyat-nāk hotā hai kisī ke hijr meñ rahnā

ḳhushī jitnī bhī mil jaa.e maiñ ġham mahsūs kartā huuñ

kisī ke hijr meñ āñkhoñ ko ro.e umr guzrī hai

magar is aañkh ko ab tak maiñ nam mahsūs kartā huuñ

mirī har ik ḳhushī tum se mirī rag rag meñ bahte ho

faqat terā hī maiñ hamdam alam mahsūs kartā huuñ

aqīdat aur ulfat se maiñ jab masjid ko jaatā huuñ

maiñ is kachchī sī masjid ko haram mahsūs kartā huuñ

alag ye baat hai ab tak madīne jā sakā na maiñ

magar un kā maiñ ḳhud par sab karam mahsūs kartā huuñ

hamāre darmiyāñ jab se ravayyoñ kī chhiḌī hai jañg

agar vo aap bhī kah le maiñ tum mahsūs kartā huuñ

har ik nekī kā badla laakh nekī hai 'sahar' is maah

ibādat jitnī kar luuñ phir bhī kam mahsūs kartā huuñ

aziyyat-nak hota hai kisi ke hijr mein rahna

KHushi jitni bhi mil jae main gham mahsus karta hun

kisi ke hijr mein aankhon ko roe umr guzri hai

magar is aankh ko ab tak main nam mahsus karta hun

meri har ek KHushi tum se meri rag rag mein bahte ho

faqat tera hi main hamdam alam mahsus karta hun

aqidat aur ulfat se main jab masjid ko jata hun

main is kachchi si masjid ko haram mahsus karta hun

alag ye baat hai ab tak madine ja saka na main

magar un ka main KHud par sab karam mahsus karta hun

hamare darmiyan jab se rawayyon ki chhiDi hai jang

agar wo aap bhi kah le main tum mahsus karta hun

har ek neki ka badla lakh neki hai 'sahar' is mah

ibaadat jitni kar lun phir bhi kam mahsus karta hun