aziyyaton ko kisi tarah kam na kar paya

aziyyatoñ ko kisī tarah kam na kar paayā

meñ apne haath abhī tak qalam na kar paayā

havāle laakh dalīl ek bhī na de shāyad

nazar meñ kyuuñ kisī manzar ko zam na kar paayā

hai be-tarāsh abhī dast-e-zehn meñ ik naqsh

ki is ke rañg ko maiñ ham-qalam na kar paayā

hai sharm tishna-labī us kī jis se bujh jaatī

meñ itnā ḳhūn-e-jigar kyuuñ baham na kar paayā

tahī-e-samar mire dāman ko hī Thaharnā thā

maiñ mausamoñ ke qasīde raqam na kar paayā

tarāvatoñ se bharā lafz dars hai jis kā

isī se ḳhud ko abhī tak vo kam na kar paayā

savāl-e-sañg thā sarzad pa thā mirā manzūr

maiñ chup rahā ki maiñ ḳhud par sitam na kar paayā

aziyyaton ko kisi tarah kam na kar paya

mein apne hath abhi tak qalam na kar paya

hawale lakh dalil ek bhi na de shayad

nazar mein kyun kisi manzar ko zam na kar paya

hai be-tarash abhi dast-e-zehn mein ek naqsh

ki is ke rang ko main ham-qalam na kar paya

hai sharm tishna-labi us ki jis se bujh jati

mein itna KHun-e-jigar kyun baham na kar paya

tahi-e-samar mere daman ko hi Thaharna tha

main mausamon ke qaside raqam na kar paya

tarawaton se bhara lafz dars hai jis ka

isi se KHud ko abhi tak wo kam na kar paya

sawal-e-sang tha sarzad pa tha mera manzur

main chup raha ki main KHud par sitam na kar paya