azm-e-buland jo dil-e-bebak mein raha

azm-e-buland jo dil-e-bebāk meñ rahā

aks-e-jalīl us kā mirī ḳhaak meñ rahā

mere laboñ pe DhūñDte guzrī tumhārī umr

iz.hār-e-ġham to dīda-e-namnāk meñ rahā

chhoTā sā ek zarra hī vaj.h-e-hayāt hai

zauq-e-numū kahāñ ḳhas-o-ḳhāshāk meñ rahā

phāḌā hai us ke ġham ne garebāñ ko is tarah

bas ek taar dāman-e-sad-chāk meñ rahā

'āzar' hai ik tasalsul-e-inkār-o-āgahī

roz-e-azal se jo mire idrāk meñ rahā

azm-e-buland jo dil-e-bebak mein raha

aks-e-jalil us ka meri KHak mein raha

mere labon pe DhunDte guzri tumhaari umr

izhaar-e-gham to dida-e-namnak mein raha

chhoTa sa ek zarra hi wajh-e-hayat hai

zauq-e-numu kahan KHas-o-KHashak mein raha

phaDa hai us ke gham ne gareban ko is tarah

bas ek tar daman-e-sad-chaak mein raha

'azar' hai ek tasalsul-e-inkar-o-agahi

roz-e-azal se jo mere idrak mein raha