ba-faiz-e-agahi hai muddaa sanjida sanjida

ba-faiz-e-āgahī hai mudda'ā sanjīda sanjīda

ḳhudī ne vā kiye haiñ raaz kyā pechīda pechīda

nazar hairāñ tabī'at hai zarā ranjīda ranjīda

huā dil hai kisī kā mubtalā poshīda poshīda

fazāoñ se fasāna sun ke us ke dard-e-hijrāñ kā

guloñ ne chun liye ashk-e-sabā larzīda larzīda

isī mast-e-javānī ke qadam baḌh kar liye hoñge

chaman meñ chal rahī hai jo sabā laġhzīda laġhzīda

Thahar jaa.e na ghabrā kar kahīñ ye qāfila dil kā

mirī jānib nazar phir se uThā duzdīda duzdīda

'jamīl'-e-zār kā hai ye nishāñ ai gulsitāñ vaalo

javāñ himmat pareshāñ-hāl sā kāhīda kāhīda

ba-faiz-e-agahi hai mudda'a sanjida sanjida

KHudi ne wa kiye hain raaz kya pechida pechida

nazar hairan tabi'at hai zara ranjida ranjida

hua dil hai kisi ka mubtala poshida poshida

fazaon se fasana sun ke us ke dard-e-hijran ka

gulon ne chun liye ashk-e-saba larzida larzida

isi mast-e-jawani ke qadam baDh kar liye honge

chaman mein chal rahi hai jo saba laghzida laghzida

Thahar jae na ghabra kar kahin ye qafila dil ka

meri jaanib nazar phir se uTha duzdida duzdida

'jamil'-e-zar ka hai ye nishan ai gulsitan walo

jawan himmat pareshan-haal sa kahida kahida