ba-faiz-e-gardish-e-ayyam hum ko

ba-faiz-e-gardish-e-ayyām ham ko

kisī sūrat nahīñ ārām ham ko

sukūñ dushman junūñ-parvar irādao

na kar denā kahīñ badnām ham ko

fasurda ḳhalvatoñ meñ yaad aa kar

rulāte haiñ vo sub.h-o-shām ham ko

uThā ai mutribā sāz-e-mohabbat

pilā ai sāqī-e-gulfām ham ko

na ham ko zindagī kī hai zarūrat

na duniyā se hai koī kaam ham ko

kisī kī bevafā.ī ke fasāne

sunātā hai dil-e-nākām ham ko

kisī ne apnī mast āñkhoñ se 'nayyar'

diyā hai pyaar kā paiġhām ham ko

ba-faiz-e-gardish-e-ayyam hum ko

kisi surat nahin aaram hum ko

sukun dushman junun-parwar iradao

na kar dena kahin badnam hum ko

fasurda KHalwaton mein yaad aa kar

rulate hain wo subh-o-sham hum ko

uTha ai mutriba saz-e-mohabbat

pila ai saqi-e-gulfam hum ko

na hum ko zindagi ki hai zarurat

na duniya se hai koi kaam hum ko

kisi ki bewafai ke fasane

sunata hai dil-e-nakaam hum ko

kisi ne apni mast aankhon se 'nayyar'

diya hai pyar ka paigham hum ko