ba jazb-e-dil ba-naz-e-agahana

ba jazb-e-dil ba-nāz-e-āgahāna

jabīñ hai be-niyāz-e-āstāna

salāmat apnā soz-e-bāġhiyāna

banegā bijliyoñ meñ āshiyāna

jhukeñge chāñd sūraj mere aage

uThegī jab nigāh-e-ġhāziyāna

chaman hī ke badal deñ kyoñ na dastūr

qafas ko kyā banā.eñ āshiyāna

haiñ sab parchhā.iyāñ azm-o-amal kī

bigaḌtā hai na bantā hai zamāna

ḳhudī-o-be-ḳhudī donoñ haiñ dhoke

na ho jab tak nigāh-e-ārifāna

haqīqat ko ziyāda chhānne se

haqīqat bhī na ban jaa.e fasāna

zamīñ ko ham milā deñge falak se

jab uTTheñge ba-zo'm-e-shā.irāna

parakh letā huuñ har achchhe bure ko

'shifā' nazreñ haiñ merī nāqidāna

ba jazb-e-dil ba-naz-e-agahana

jabin hai be-niyaz-e-astana

salamat apna soz-e-baghiyana

banega bijliyon mein aashiyana

jhukenge chand suraj mere aage

uThegi jab nigah-e-ghaziyana

chaman hi ke badal den kyon na dastur

qafas ko kya banaen aashiyana

hain sab parchhaiyan azm-o-amal ki

bigaDta hai na banta hai zamana

KHudi-o-be-KHudi donon hain dhoke

na ho jab tak nigah-e-arifana

haqiqat ko ziyaada chhanne se

haqiqat bhi na ban jae fasana

zamin ko hum mila denge falak se

jab uTThenge ba-zo'm-e-shairana

parakh leta hun har achchhe bure ko

'shifa' nazren hain meri naqidana