ba-juz mata-e-dil-e-laKHt-laKHt kuchh bhi nahin

ba-juz matā-e-dil-e-laḳht-laḳht kuchh bhī nahīñ

mirī nigāh meñ tadbīr-o-baḳht kuchh bhī nahīñ

guzarte vaqt kī sūrat harīf bhī na rahe

burī nigāh na lahje karaḳht kuchh bhī nahīñ

masāfatoñ kī ghanī dhuup meñ haiñ tanhā ham

hamārī raah meñ saa.e daraḳht kuchh bhī nahīñ

maiñ naqsh-o-rañg kī duniyā luTā ke aayā huuñ

mirī nigāh maiñ ab tāj-o-taḳht kuchh bhī nahīñ

hameñ 'ra.īs' jo luuTe to koī kyā luuTe

hamāre paas to ab sāz-o-raḳht kuchh bhī nahīñ

ba-juz mata-e-dil-e-laKHt-laKHt kuchh bhi nahin

meri nigah mein tadbir-o-baKHt kuchh bhi nahin

guzarte waqt ki surat harif bhi na rahe

buri nigah na lahje karaKHt kuchh bhi nahin

masafaton ki ghani dhup mein hain tanha hum

hamari rah mein sae daraKHt kuchh bhi nahin

main naqsh-o-rang ki duniya luTa ke aaya hun

meri nigah main ab taj-o-taKHt kuchh bhi nahin

hamein 'rais' jo luTe to koi kya luTe

hamare pas to ab saz-o-raKHt kuchh bhi nahin