ba-nam-e-‘ishq dil toDa gaya hai

ba-nām-e-‘ishq dil toḌā gayā hai

banā kar phir mujhe Dhāyā gayā hai

nisāb-e-‘ishq meñ shāmil nahīñ thā

sabaq jo tū mujhe sikhlā gayā hai

hameñ to vasl meñ bhī chain kab thā

tumheñ to hijr bhī raas aa gayā hai

junūñ bhī falsafa hai 'āshiqī kā

mujhe ik nā-samajh samjhā gayā hai

baḌī mushkil se jachtī hai koī shai

ḳhudā kā shukr hai tū bhā gayā hai

maiñ thā suljhā huā mā'sūm laḌkā

lagā kar vo gale uljhā gayā hai

maiñ us ko bevafā mānūñ to kaise

namāz-e-shab meñ jo māñgā gayā hai

musāfir-ḳhāna hai shāyad mirā dil

vo apne taur par aaya gayā hai

vahīñ pe muntazir huuñ muddatoñ se

mujhe vo jis jagah Thahrā gayā hai

tum us ke ġham kā andāza lagāo

nadī kī samt jo tanhā gayā hai

use sauġhāt meñ de aaya hastī

ye jis dīvāne kā lāsha gayā hai

maiñ is ko saarā pī jā.ūñgā ik din

ka.ī kashtī ko dariyā khā gayā hai

ba-nam-e-‘ishq dil toDa gaya hai

bana kar phir mujhe Dhaya gaya hai

nisab-e-‘ishq mein shamil nahin tha

sabaq jo tu mujhe sikhla gaya hai

hamein to wasl mein bhi chain kab tha

tumhein to hijr bhi ras aa gaya hai

junun bhi falsafa hai 'ashiqi ka

mujhe ek na-samajh samjha gaya hai

baDi mushkil se jachti hai koi shai

KHuda ka shukr hai tu bha gaya hai

main tha suljha hua ma'sum laDka

laga kar wo gale uljha gaya hai

main us ko bewafa manun to kaise

namaz-e-shab mein jo manga gaya hai

musafir-KHana hai shayad mera dil

wo apne taur par aaya gaya hai

wahin pe muntazir hun muddaton se

mujhe wo jis jagah Thahra gaya hai

tum us ke gham ka andaza lagao

nadi ki samt jo tanha gaya hai

use saughat mein de aaya hasti

ye jis diwane ka lasha gaya hai

main is ko sara pi jaunga ek din

kai kashti ko dariya kha gaya hai