ba-rang-ebaad-e-saba gul khilae hain kya kya

ba-rañg-ebād-e-sabā gul khilā.e haiñ kyā kyā

mire hī dil ne sitam mujh pe Dhaa.e haiñ kyā kyā

ye zindagī kā safar bhī hai kuchh ajiib safar

qadam qadam pe maqāmāt aa.e haiñ kyā kyā

tarah tarah se kiyā hai tavaqquāt kā ḳhuun

mirī nigāh ne manzar dikhā.e haiñ kyā kyā

koī ġharīb ke is hausle kī vaah to de

zarā sī jaan ne sadme uThā.e haiñ kyā kyā

ajiib shai hai 'munavār' kī fikr-e-shā.ista

dil-o-dimāġh ke aivāñ sajā.e haiñ kyā kyā

ba-rang-ebaad-e-saba gul khilae hain kya kya

mere hi dil ne sitam mujh pe Dhae hain kya kya

ye zindagi ka safar bhi hai kuchh ajib safar

qadam qadam pe maqamat aae hain kya kya

tarah tarah se kiya hai tawaqquat ka KHun

meri nigah ne manzar dikhae hain kya kya

koi gharib ke is hausle ki wah to de

zara si jaan ne sadme uThae hain kya kya

ajib shai hai 'munawar' ki fikr-e-shaista

dil-o-dimagh ke aiwan sajae hain kya kya