ba-sad-KHulus ba-sad-ehtiram likh dena

ba-sad-ḳhulūs ba-sad-ehtirām likh denā

tum un ko ḳhat meñ hamārā salām likh denā

ham un kī yaad se ġhāfil nahīñ kisī lamha

hamāre dil meñ hai un kā qiyām likh denā

ham un kī yaad se hote raheñge lutf-andoz

hayāt honī hai yūñhī tamām likh denā

hamāre ba.ad bhī rakkhe hameñ zamāna yaad

hamāre hisse meñ umr-e-davām likh denā

kabhī kabhī to nigāh-e-karam zarūrī hai

koī to naama hamāre bhī naam likh denā

tumhāre naam se hotā hai āftāb tulūa

tumhāre naam se raushan hai shaam likh denā

hamāre vāste itnā karam hī kaafī hai

hamārā naam ba-sad-ehtirām likh denā

sivā tumhāre to 'mashkūr' kā nahīñ koī

ḳhulūs-e-dil se koī to payām likh denā

ba-sad-KHulus ba-sad-ehtiram likh dena

tum un ko KHat mein hamara salam likh dena

hum un ki yaad se ghafil nahin kisi lamha

hamare dil mein hai un ka qiyam likh dena

hum un ki yaad se hote rahenge lutf-andoz

hayat honi hai yunhi tamam likh dena

hamare baad bhi rakkhe hamein zamana yaad

hamare hisse mein umr-e-dawam likh dena

kabhi kabhi to nigah-e-karam zaruri hai

koi to nama hamare bhi nam likh dena

tumhaare nam se hota hai aaftab tulua

tumhaare nam se raushan hai sham likh dena

hamare waste itna karam hi kafi hai

hamara nam ba-sad-ehtiram likh dena

siwa tumhaare to 'mashkur' ka nahin koi

KHulus-e-dil se koi to payam likh dena