ba-zahir jo nazar aate ho tum masrur aisa kaise karte ho
ba-zāhir jo nazar aate ho tum masrūr aisā kaise karte ho
batānā to sahī vīrāni-e-dil kā nazāra kaise karte ho
tumhārī ik adā to vāqa.ī tārīf ke qābil hai jān-e-man
maiñ shashdar huuñ ki us ko pyaar itnā be-tahāshā kaise karte ho
sunā hai log dariyā band kar lete haiñ kuuze meñ hunar hai ye
magar tum munsifī se ye kaho qatre ko dajla kaise karte ho
hamārī baat par vo kaan dhartā hī nahīñ hai Taal jaatā hai
tumheñ kyā kyā nahīñ hāsil kaho arz-e-tamannā kaise karte ho
ta.ajjub hai ta.alluq yaad rakhnā aur phir ārām se sonā
agar us ko bhulā paa.e nahīñ ab tak saverā kaise karte ho
tumhārī aah kā ye kaun sā andāz hai vāzeh nahīñ hotā
muamma ye nahīñ khultā ki tum dariyā ko sahrā kaise karte ho
ba-zahir jo nazar aate ho tum masrur aisa kaise karte ho
batana to sahi virani-e-dil ka nazara kaise karte ho
tumhaari ek ada to waqai tarif ke qabil hai jaan-e-man
main shashdar hun ki us ko pyar itna be-tahasha kaise karte ho
suna hai log dariya band kar lete hain kuze mein hunar hai ye
magar tum munsifi se ye kaho qatre ko dajla kaise karte ho
hamari baat par wo kan dharta hi nahin hai Tal jata hai
tumhein kya kya nahin hasil kaho arz-e-tamanna kaise karte ho
tajjub hai talluq yaad rakhna aur phir aaram se sona
agar us ko bhula pae nahin ab tak sawera kaise karte ho
tumhaari aah ka ye kaun sa andaz hai wazeh nahin hota
muamma ye nahin khulta ki tum dariya ko sahra kaise karte ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
