ba-zat-e-KHud ab tu na taklif farma

ba-zāt-e-ḳhud ab tū na taklīf farmā

tasavvur hī rahne de tashrīf-farmā

mirī hastī-e-ārifāna se matlab

tū apne tajāhul kī tārīf farmā

agar shiddat-e-dard-e-dil dekhnī hai

tavajjoh meñ kuchh aur taḳhfīf farmā

abas mahfil-e-nāz tartīb dī hai

kisī qalb-e-muztar kī tālīf farmā

sahīfa mohabbat kā kahte haiñ dil ko

nigāh-e-ġhazab se na tahrīf farmā

purānā huā dāġh-e-jurm-e-mohabbat

koī taaza ilzām tasrīf farmā

tire muñh se ahvāl-e-'haidar' kī takzīb

vo darvesh hai us kī tārīf farmā

ba-zat-e-KHud ab tu na taklif farma

tasawwur hi rahne de tashrif-farma

meri hasti-e-arifana se matlab

tu apne tajahul ki tarif farma

agar shiddat-e-dard-e-dil dekhni hai

tawajjoh mein kuchh aur taKHfif farma

abas mahfil-e-naz tartib di hai

kisi qalb-e-muztar ki talif farma

sahifa mohabbat ka kahte hain dil ko

nigah-e-ghazab se na tahrif farma

purana hua dagh-e-jurm-e-mohabbat

koi taza ilzam tasrif farma

tere munh se ahwal-e-'haidar' ki takzib

wo darwesh hai us ki tarif farma