baad aadam ke banti saza hi nahin

baa'd aadam ke bantī sazā hī nahīñ

jab huī ham se koī ḳhatā hī nahīñ

ho gayā maiñ bhale rā.egāñ hijr meñ

par mujhe tum se koī gila hī nahīñ

jis ne chāhā hameñ ham use mil ga.e

jis ko chāhā vo ham ko milā hī nahīñ

miT ga.e zaḳhm bhī par laboñ kā nishāñ

ham miTāte rahe vo miTā hī nahīñ

bujh ga.e chāñd sūraj sitāre magar

ik diyā hai jo ham se bujhā hī nahīñ

ba'd aadam ke banti saza hi nahin

jab hui hum se koi KHata hi nahin

ho gaya main bhale raegan hijr mein

par mujhe tum se koi gila hi nahin

jis ne chaha hamein hum use mil gae

jis ko chaha wo hum ko mila hi nahin

miT gae zaKHm bhi par labon ka nishan

hum miTate rahe wo miTa hi nahin

bujh gae chand suraj sitare magar

ek diya hai jo hum se bujha hi nahin