با وفا ہیں یہ بہت پیارے دلارے آنسو

با وفا ہیں یہ بہت پیارے دلارے آنسو

ساتھ رہتے ہیں غموں میں بھی ہمارے آنسو

بن کے چمکے یہ صدا چاند ستارے آنسو

پیارے لگتے ہیں کبھی خوب تمہارے آنسو

کوئی نہ کوئی انہیں پونچھنے آ جاتا ہے

ڈھونڈھ لاتے ہیں کہیں سے یہ سہارے آنسو

اک کہانی میں سناتا ہوں تمہیں اے لوگو

اک زمانہ تھا کہ لگتے تھے دلارے آنسو

دور جانے کا کرے جب تو بہانہ ہم سے

تب تری پلکوں پہ لگتے ہیں شرارے آنسو

گر سمجھ پاؤ تو سمجھو ذرا ان کی بھاشا

پاس آنے کے بھی کرتے ہیں اشارے آنسو