baad muddat hi sahi din ye suhane aae

baad muddat hī sahī din ye suhāne aa.e

aaj kī shab vo mujhe jaam pilāne aa.e

pī ke mad.hosh banā baiThā tirī yādoñ meñ

so.e ḳhvāboñ ko mire phir se jagāne aa.e

dekho in chalte hue vaqt ke tūfānoñ ko

ḳhauf furqat kā hameñ yaar dikhāne aa.e

ham haiñ ġhaddār to pāband-e-vafā tum ho kyā

phir bhī ham rasm-e-vafā tum se nibhāne aa.e

ik tirī yaad hai barsāt hai tanhā.ī hai

kaash ham se hī tū milne ke bahāne aa.e

baad muddat hi sahi din ye suhane aae

aaj ki shab wo mujhe jam pilane aae

pi ke madhosh bana baiTha teri yaadon mein

soe KHwabon ko mere phir se jagane aae

dekho in chalte hue waqt ke tufanon ko

KHauf furqat ka hamein yar dikhane aae

hum hain ghaddar to paband-e-wafa tum ho kya

phir bhi hum rasm-e-wafa tum se nibhane aae

ek teri yaad hai barsat hai tanhai hai

kash hum se hi tu milne ke bahane aae