baad muddat ke KHayal-e-mai-o-mina aaya

ba.ad muddat ke ḳhayāl-e-mai-o-mīnā aayā

zindagī phir mujhe jiine kā qarīna aayā

har nafas ziist ke māthe pe pasīna aayā

ye bhī jiinā hai ki aisā hameñ jiinā aayā

kitne pahlū nazar aa jaa.eñ na jaane dil ke

ā.ina-sāz ke hāthoñ meñ nagīna aayā

phir sar-e-bazm koī jām-ba-kaf aatā hai

tark-e-tauba ke tasavvur pe pasīna aayā

tohmat-e-bāda-parastī kā sazā-vār huā

terā mai-kash jise do ghūñT na piinā aayā

chehra-e-vaqt se ulTī na ga.ī ham se naqāb

kaam apne na kabhī dīda-e-bīnā aayā

tishna-lab rakkhā tirī chashm-e-karam ne saaqī

jab mujhe bāda-parastī kā qarīna aayā

un kī āñkhoñ meñ chhalak aa.e haiñ aañsū 'fitrat'

mere dāman meñ umīdoñ kā ḳhazīna aayā

baad muddat ke KHayal-e-mai-o-mina aaya

zindagi phir mujhe jine ka qarina aaya

har nafas zist ke mathe pe pasina aaya

ye bhi jina hai ki aisa hamein jina aaya

kitne pahlu nazar aa jaen na jaane dil ke

aaina-saz ke hathon mein nagina aaya

phir sar-e-bazm koi jam-ba-kaf aata hai

tark-e-tauba ke tasawwur pe pasina aaya

tohmat-e-baada-parasti ka saza-war hua

tera mai-kash jise do ghunT na pina aaya

chehra-e-waqt se ulTi na gai hum se naqab

kaam apne na kabhi dida-e-bina aaya

tishna-lab rakkha teri chashm-e-karam ne saqi

jab mujhe baada-parasti ka qarina aaya

un ki aankhon mein chhalak aae hain aansu 'fitrat'

mere daman mein umidon ka KHazina aaya