baadalon ke beach tha main be-sar-o-saman na tha

bādaloñ ke beach thā maiñ be-sar-o-sāmāñ na thā

tishnagī kā zahr pī lenā koī āsāñ na thā

kyā qayāmat-ḳhez thā dariyā meñ maujoñ kā hujūm

sāhiloñ tak aate aate phir kahīñ tūfāñ na thā

jaane kitnī duur us kī lahar mujh ko le ga.ī

maiñ samajhtā thā ki vo dariyā-e-be-pāyāñ na thā

har taraf patjhaḌ kī āvāzoñ kī chādar tan ga.ī

dasht meñ merī sadā kā jism bhī uryāñ na thā

is ke rañg-o-saut ke jugnū the dāman meñ 'alīm'

kho ke sab kuchh aane vaalā bhī tahī-dāmāñ na thā

baadalon ke beach tha main be-sar-o-saman na tha

tishnagi ka zahr pi lena koi aasan na tha

kya qayamat-KHez tha dariya mein maujon ka hujum

sahilon tak aate aate phir kahin tufan na tha

jaane kitni dur us ki lahar mujh ko le gai

main samajhta tha ki wo dariya-e-be-payan na tha

har taraf patjhaD ki aawazon ki chadar tan gai

dasht mein meri sada ka jism bhi uryan na tha

is ke rang-o-saut ke jugnu the daman mein 'alim'

kho ke sab kuchh aane wala bhi tahi-daman na tha