baadshahon ki tarah aur na waziron ki tarah

bādshāhoñ kī tarah aur na vazīroñ kī tarah

ham to darvesh the aa.e yahāñ pīroñ kī tarah

rāj-mahloñ meñ kahāñ DhūñDh rahe ho ham ko

ham to ajmer meñ rahte haiñ faqīroñ kī tarah

ham bhī is mulk kī taqdīr kā ik hissa haiñ

ham na miT pā.eñge hāthoñ kī lakīroñ kī tarah

jāñ-fishānī se bahut ham ne jaḌe haiñ aañsū

māthar-e-hind tire taaj meñ hīroñ kī tarah

dushmanoñ ko to yahī baat bahut khaltī hai

ham to ġhurbat meñ bhī zinda haiñ amīroñ kī tarah

baadshahon ki tarah aur na waziron ki tarah

hum to darwesh the aae yahan piron ki tarah

raj-mahlon mein kahan DhunDh rahe ho hum ko

hum to ajmer mein rahte hain faqiron ki tarah

hum bhi is mulk ki taqdir ka ek hissa hain

hum na miT paenge hathon ki lakiron ki tarah

jaan-fishani se bahut hum ne jaDe hain aansu

mathar-e-hind tere taj mein hiron ki tarah

dushmanon ko to yahi baat bahut khalti hai

hum to ghurbat mein bhi zinda hain amiron ki tarah