bagh-e-bahisht zist bana kar chala gaya

bāġh-e-bahisht ziist banā kar chalā gayā

jo bujh ga.e charāġh jalā kar chalā gayā

vaise to us ke paas zarā bhī samay na thā

kuchh vaqt phir bhī saath bitā kar chalā gayā

ab tak sulag rahā hai ye dil us ke 'ishq meñ

vo to maze se aag lagā kar chalā gayā

aayā thā chaar din ko mirī zindagī meñ vo

aur chaar din kā saath nibhā kar chalā gayā

'ālam thā ġham-gusārī kā ranj-o-alam kā phir

tajvīz-e-ġham rihā.ī sunā kar chalā gayā

kyoñ barqarār hai mirī nazroñ kī tishnagī

jab ke vo jāñ-nisār to aa kar chalā gayā

yuuñ jalva-hā-e-husn-e-mujassam hue 'ayāñ

ahl-e-ḳhirad ke hosh uḌā kar chalā gayā

tauba re āshiyān-e-taḳhayyul pe barhamī

barq-e-tapāñ se us ko jalā kar chalā gayā

aayā thā vo palaT ke nadāmat ke vāste

do chaar bāteñ aur sunā kar chalā gayā

bagh-e-bahisht zist bana kar chala gaya

jo bujh gae charagh jala kar chala gaya

waise to us ke pas zara bhi samay na tha

kuchh waqt phir bhi sath bita kar chala gaya

ab tak sulag raha hai ye dil us ke 'ishq mein

wo to maze se aag laga kar chala gaya

aaya tha chaar din ko meri zindagi mein wo

aur chaar din ka sath nibha kar chala gaya

'alam tha gham-gusari ka ranj-o-alam ka phir

tajwiz-e-gham rihai suna kar chala gaya

kyon barqarar hai meri nazron ki tishnagi

jab ke wo jaan-nisar to aa kar chala gaya

yun jalwa-ha-e-husn-e-mujassam hue 'ayan

ahl-e-KHirad ke hosh uDa kar chala gaya

tauba re aashiyan-e-taKHayyul pe barhami

barq-e-tapan se us ko jala kar chala gaya

aaya tha wo palaT ke nadamat ke waste

do chaar baaten aur suna kar chala gaya