bagh-e-urdu ki mahak raaz-e-KHuda hoti hai

bāġh-e-urdu kī mahak rāz-e-ḳhudā hotī hai

shahr-e-urdu meñ havā bād-e-sabā hotī hai

achchhā jitnā bhī ho lahja vo sadā hotī hai

baat kar le jo suḳhan-gar to judā hotī hai

harf milte haiñ jo dil se to nidā aatī hai

mā'nī lafzoñ se mileñ to vo ridā hotī hai

she'r paḌhne pe yuñhī daad nahīñ miltī unheñ

urdu to shīrīñ-dahan par hī fidā hotī hai

sunñe vāloñ ko kisī aur nagar le jaa.e

urdu vāloñ kī zabāñ rab kī 'atā hotī hai

lahja mil jaa.e jo urdu se to vo naaz kare

urdu lahje se mile to vo adā hotī hai

ḳhushbū urdu kī nazar aatī hai dil vāloñ meñ

khanak urdu kī to bolī meñ sadā hotī hai

bagh-e-urdu ki mahak raaz-e-KHuda hoti hai

shahr-e-urdu mein hawa baad-e-saba hoti hai

achchha jitna bhi ho lahja wo sada hoti hai

baat kar le jo suKHan-gar to juda hoti hai

harf milte hain jo dil se to nida aati hai

ma'ni lafzon se milen to wo rida hoti hai

she'r paDhne pe yunhi dad nahin milti unhen

urdu to shirin-dahan par hi fida hoti hai

sunne walon ko kisi aur nagar le jae

urdu walon ki zaban rab ki 'ata hoti hai

lahja mil jae jo urdu se to wo naz kare

urdu lahje se mile to wo ada hoti hai

KHushbu urdu ki nazar aati hai dil walon mein

khanak urdu ki to boli mein sada hoti hai