باغ ہے باغ کی فضا گم ہے
باغ ہے باغ کی فضا گم ہے
سانس لینے کو بھی ہوا گم ہے
ٹھیر جائیں تو ہے مقام فنا
چل پڑیں ہم تو راستہ گم ہے
ہم بھی موجود ہیں یہاں تم بھی
رابطہ درمیان کا گم ہے
بے یقینی ہے سب کے ذہنوں میں
کیا میسر ہے اور کیا گم ہے
بیشۂ زیست سے گزرنے کو
حوصلہ تھا سو حوصلہ گم ہے
یہ ستارہ انہی خلاؤں میں
ایک دن تم بھی دیکھنا گم ہے
مأخذ :
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
