باغ تاراج باغباں غائب
باغ تاراج باغباں غائب
شاخ موجود آشیاں غائب
جس نے سوچا تھا حق کی بات کرے
اس کے منہ سے ہوئی زباں غائب
حوصلہ ان خلا نوردوں کا
سر سے کر دے گا آسماں غائب
کیا ہوا ہے مشاعروں کا حال
لوگ حاضر ہیں قدرداں غائب
شکل کیا ہو گئی فسانوں کی
لفظ حاضر ہیں داستاں غائب
جنگ شاید چھڑی ہے شہروں میں
پیر موجود نوجواں غائب
پی رہے تھے جو میرے ساتھ ابھی
یار وہ ہو گئے کہاں غائب
معجزہ دیکھیے سیاست کا
گھر سلگتے ہیں اور دھواں غائب
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
