bahar guzar di kabhi andar bhi aaenge
bāhar guzār dī kabhī andar bhī ā.eñge
ham se ye pūchhnā kabhī ham ghar bhī ā.eñge
ḳhud āhanī nahīñ ho to poshish ho āhanī
yuuñ shīsha hī rahoge to patthar bhī ā.eñge
ye dasht-e-be-taraf hai gumānoñ kā mauj-ḳhez
is meñ sarāb kyā ki samundar bhī ā.eñge
āshuftagī kī fasl kā āġhāz hai abhī
āshuftagāñ palaT ke abhī ghar bhī ā.eñge
dekheñ to chal ke yaar tilismāt-e-samt-e-dil
marnā bhī paḌ gayā to chalo mar bhī ā.eñge
ye shaḳhs aaj kuchh nahīñ par kal ye dekhiyo
us kī taraf qadam hī nahīñ sar bhī ā.eñge
bahar guzar di kabhi andar bhi aaenge
hum se ye puchhna kabhi hum ghar bhi aaenge
KHud aahani nahin ho to poshish ho aahani
yun shisha hi rahoge to patthar bhi aaenge
ye dasht-e-be-taraf hai gumanon ka mauj-KHez
is mein sarab kya ki samundar bhi aaenge
aashuftagi ki fasl ka aaghaz hai abhi
aashuftagan palaT ke abhi ghar bhi aaenge
dekhen to chal ke yar tilismat-e-samt-e-dil
marna bhi paD gaya to chalo mar bhi aaenge
ye shaKHs aaj kuchh nahin par kal ye dekhiyo
us ki taraf qadam hi nahin sar bhi aaenge
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
