باہر نہیں تو خود ہی کے اندر تلاش کر

باہر نہیں تو خود ہی کے اندر تلاش کر

صحرا ہے جس جگہ پہ سمندر تلاش کر

ممکن ہے یہ کہ میری رگ جاں کو کاٹ دے

ایثار و عاشقی کا تو خنجر تلاش کر

ہم سچ کہیں گے سچ کے سوا کچھ نہیں میاں

تو اپنے جیسے جھوٹے ستم گر تلاش کر

جو غم کا مسکرا کے اڑائے مذاق وہ

مل جائے گا وہ خود میں قلندر تلاش کر

جب تک ہے جان جان میں مرنے کا ڈر بھی ہے

جو ڈر نکال دے وہ پیمبر تلاش کر

انداز اپنا ہوتا ہے سب کے بیان کا

ارشادؔ جیسا اچھا سخنور تلاش کر