bais-e-imbisat ho aamad-e-nau-bahaar kya

bā.is-e-imbisāt ho āmad-e-nau-bahār kyā

rañg-e-chaman dikhā.egā sīna-e-dāġh-dār kyā

gumbad-e-gard-bād hai sar-ba-falak har ik taraf

dasht-e-junūñ meñ rah ga.ī qais kī yādgār kyā

talḳh hai ziist kījiye kis liye talḳh-tar ise

ḳhurramī-e-guzishta ko roiye baar baar kyā

shām-e-visāl se ho kyā mahv-e-fareb-e-ārzū

yaad nahīñ rahī hameñ sub.h-e-vidā-e-yār kyā

aap hī miT-miTā ke ham ḳhāk-e-rah-e-fanā hue

aur miTā.egī hameñ gardish-e-rozgār kyā

bais-e-imbisat ho aamad-e-nau-bahaar kya

rang-e-chaman dikhaega sina-e-dagh-dar kya

gumbad-e-gard-baad hai sar-ba-falak har ek taraf

dasht-e-junun mein rah gai qais ki yaadgar kya

talKH hai zist kijiye kis liye talKH-tar ise

KHurrami-e-guzishta ko roiye bar bar kya

sham-e-visal se ho kya mahw-e-fareb-e-arzu

yaad nahin rahi hamein subh-e-wida-e-yar kya

aap hi miT-miTa ke hum KHak-e-rah-e-fana hue

aur miTaegi hamein gardish-e-rozgar kya