bandh kar kamar jab bhi hum pa-e-safar nikle

bāñdh kar kamar jab bhī ham pa-e-safar nikle

zindagī ke sab raste terī rahguzar nikle

sochte haiñ kyoñ āḳhir zauq-e-sajda-rezī meñ

ham jahāñ jabīñ rakkheñ vo tirā hī dar nikle

jo the nāpne vaale zaḳhm-e-dil kī gahrā.ī

apnī shoḳh nazroñ se kitne be-ḳhabar nikle

sochte haiñ kyā hogā haal phir bahāroñ kā

shahr-e-lāla-o-gul se ham jo ruuTh kar nikle

vaqt ke añdhere meñ ziist kī siyāhī meñ

raushnī ke afsāne kitne muḳhtasar nikle

husn aarzū kis kī ishq mudda.ā kis kā

is hujūm-e-hairāñ meñ donoñ be-ḳhabar nikle

ham jinheñ samajhte the narm-rū hasīñ saa.e

vo savād-e-sahrā kī tez dopahar nikle

mai-kade ke darvāze band ho ga.e 'nāzim'

tishnagī muqaddar kī le ke ham jidhar nikle

bandh kar kamar jab bhi hum pa-e-safar nikle

zindagi ke sab raste teri rahguzar nikle

sochte hain kyon aaKHir zauq-e-sajda-rezi mein

hum jahan jabin rakkhen wo tera hi dar nikle

jo the napne wale zaKHm-e-dil ki gahrai

apni shoKH nazron se kitne be-KHabar nikle

sochte hain kya hoga haal phir bahaaron ka

shahr-e-lala-o-gul se hum jo ruTh kar nikle

waqt ke andhere mein zist ki siyahi mein

raushni ke afsane kitne muKHtasar nikle

husn aarzu kis ki ishq muddaa kis ka

is hujum-e-hairan mein donon be-KHabar nikle

hum jinhen samajhte the narm-ru hasin sae

wo sawad-e-sahra ki tez dopahar nikle

mai-kade ke darwaze band ho gae 'nazim'

tishnagi muqaddar ki le ke hum jidhar nikle