baqar nishan-e-gham-o-ranj-o-alam to ho

'bāqar' nishān-e-ġham-o-ranj-o-alam to ho

chhoḌo kuchh aur baat karo dard kam to ho

ai kushta-e-ḳhulūs-e-mohabbat ba-kār-bāsh

lab par shaguftagī na sahī aañkh nam to ho

har dam rahe hadīs-e-ma.anī se ham ko kaam

zikr-e-ḳhudā agar nahīñ zikr-e-sanam to ho

kuchh to pia-e-shikast-e-sukūt-e-shab-e-alam

girya sahī fuġhāñ sahī kuchh dam-ba-dam to ho

chashm-e-ġhazāl-o-husn-e-ġhazal kā bayāñ rahe

kuchh aisī baat jo pai-e-taskīn-e-ġham to ho

qānūn-e-bāġh-bāni-e-sahra to likh chuke

unvān-e-zīst bhī kisī sūrat raqam to ho

ik 'umr tū ne TuuTe pyāloñ pe kaaT dī

'bāqar' piye sharāb koī jām-e-jam to ho

'baqar' nishan-e-gham-o-ranj-o-alam to ho

chhoDo kuchh aur baat karo dard kam to ho

ai kushta-e-KHulus-e-mohabbat ba-kar-bash

lab par shaguftagi na sahi aankh nam to ho

har dam rahe hadis-e-mani se hum ko kaam

zikr-e-KHuda agar nahin zikr-e-sanam to ho

kuchh to pia-e-shikast-e-sukut-e-shab-e-alam

girya sahi fughan sahi kuchh dam-ba-dam to ho

chashm-e-ghazal-o-husn-e-ghazal ka bayan rahe

kuchh aisi baat jo pai-e-taskin-e-gham to ho

qanun-e-bagh-bani-e-sahra to likh chuke

unwan-e-zist bhi kisi surat raqam to ho

ek 'umr tu ne TuTe pyalon pe kaT di

'baqar' piye sharab koi jam-e-jam to ho