baqi jo log hain kahin hote

baaqī jo log haiñ kahīñ hote

shahr meñ bas tumhīñ makīñ hote

rāste sab agar hasīñ hote

fāsle paidā hī nahīñ hote

haa.e vo āsmān bhī kyā thā

maiñ ne dekhā jise zamīñ hote

tū hī tū hai tirī kahānī meñ

kaash ham bhī kahīñ kahīñ hote

ye sutūn āñdhiyoñ meñ kyoñ girte

gar zarā aur tah-e-zamīñ hote

bas meñ hotī jo gardish-e-daurāñ

tum jahāñ hote ham vahīñ hote

pyaar kyā sirf jī-huzūrī hai

aap nārāz kyoñ nahīñ hote

phuul itrā rahe haiñ ḳhushbū par

kaash tum bhī yahīñ kahīñ hote

ye bhī sach hai ki rū-barū tere

ham jo hote haiñ vo nahīñ hote

baqi jo log hain kahin hote

shahr mein bas tumhin makin hote

raste sab agar hasin hote

fasle paida hi nahin hote

hae wo aasman bhi kya tha

main ne dekha jise zamin hote

tu hi tu hai teri kahani mein

kash hum bhi kahin kahin hote

ye sutun aandhiyon mein kyon girte

gar zara aur tah-e-zamin hote

bas mein hoti jo gardish-e-dauran

tum jahan hote hum wahin hote

pyar kya sirf ji-huzuri hai

aap naraaz kyon nahin hote

phul itra rahe hain KHushbu par

kash tum bhi yahin kahin hote

ye bhi sach hai ki ru-baru tere

hum jo hote hain wo nahin hote