bar tujh hijr ka bhaari hai KHuda KHair kare

baar tujh hijr kā bhārī hai ḳhudā ḳhair kare

rāt-din nāla-o-zārī hai ḳhudā ḳhair kare

saḳhtī-e-ġham señ mire dil kā lahū paanī ho

hashm-e-giryāñ satī jaarī hai ḳhudā ḳhair kare

kab mire chāñd ke aane señ ujālā hogā

hijr kī raat añdhārī hai ḳhudā ḳhair kare

chashm-e-ḳhūñ-rez tirī kī hai ajab tund-nigāh

hū-ba-hū ain kaTārī hai ḳhudā ḳhair kare

dil-e-pur-āh siiñ mere vo sanam Dartā nahīñ

kaale nāgoñ kī piTārī hai ḳhudā ḳhair kare

bismil-e-ishq kuuñ hargiz nahīñ ummīd-e-hayāt

zaḳhm us teġh kā kaarī hai ḳhudā ḳhair kare

āshnā sho.ala-e-dūrī señ huā jān-e-'sirāj'

kaah kuuñ aag señ yaarī hai ḳhudā ḳhair kare

bar tujh hijr ka bhaari hai KHuda KHair kare

raat-din nala-o-zari hai KHuda KHair kare

saKHti-e-gham sen mere dil ka lahu pani ho

hashm-e-giryan sati jari hai KHuda KHair kare

kab mere chand ke aane sen ujala hoga

hijr ki raat andhaari hai KHuda KHair kare

chashm-e-KHun-rez teri ki hai ajab tund-nigah

hu-ba-hu ain kaTari hai KHuda KHair kare

dil-e-pur-ah sin mere wo sanam Darta nahin

kale nagon ki piTari hai KHuda KHair kare

bismil-e-ishq kun hargiz nahin ummid-e-hayat

zaKHm us tegh ka kari hai KHuda KHair kare

aashna shoala-e-duri sen hua jaan-e-'siraj'

kah kun aag sen yari hai KHuda KHair kare