barha ho ke gae abr-e-bahaaran Khaali
bārhā ho ke ga.e abr-e-bahārāñ ḳhālī
dasht meñ phuul khile aur gulistāñ ḳhālī
ab to ḳhalvat-e-kada-e-ālam-e-imkāñ se nikal
ab yahāñ koī nahīñ ishq kā unvāñ ḳhālī
phir kisī jannat-e-gum-gashta ko dekhā us ne
jism phir chhoḌ chalā jism kā zindāñ ḳhālī
vādi-e-zīst meñ dil DhūñDhtā hai nuur kā rañg
chaar sū ghūrtī hai chashm-e-pareshāñ ḳhālī
ai sabā ab tū yahāñ koī nayā phuul khilā
ek muddat se hai dāmān-e-ġhazal-ḳhvāñ ḳhālī
barha ho ke gae abr-e-bahaaran KHali
dasht mein phul khile aur gulistan KHali
ab to KHalwat-e-kada-e-alam-e-imkan se nikal
ab yahan koi nahin ishq ka unwan KHali
phir kisi jannat-e-gum-gashta ko dekha us ne
jism phir chhoD chala jism ka zindan KHali
wadi-e-zist mein dil DhunDhta hai nur ka rang
chaar su ghurti hai chashm-e-pareshan KHali
ai saba ab tu yahan koi naya phul khila
ek muddat se hai daman-e-ghazal-KHwan KHali
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
