barish nahin lati kabhi aflak se KHushbu

bārish nahīñ laatī kabhī aflāk se ḳhushbū

ḳhud jhuum ke uThtī hai isī ḳhaak se ḳhushbū

is bāġh-e-tilismāt ke phūloñ kā to kyā zikr

aatī hai vahāñ ke ḳhas-o-ḳhāshāk se ḳhushbū

so manzar-e-ḳhūñ-rañg the koñpal se kalī tak

phūTī nahīñ yūñhī gul-e-sad-chāk se ḳhushbū

ehsās ko chhū jaa.e to chhū jaa.e vagarna

rahtī hai gurezāñ had-e-idrāk se ḳhushbū

mahsūs to hotī hai agar koī kare to

ajdād kī ajdād kī imlāk se ḳhushbū

barish nahin lati kabhi aflak se KHushbu

KHud jhum ke uThti hai isi KHak se KHushbu

is bagh-e-tilismat ke phulon ka to kya zikr

aati hai wahan ke KHas-o-KHashak se KHushbu

so manzar-e-KHun-rang the konpal se kali tak

phuTi nahin yunhi gul-e-sad-chaak se KHushbu

ehsas ko chhu jae to chhu jae wagarna

rahti hai gurezan had-e-idrak se KHushbu

mahsus to hoti hai agar koi kare to

ajdad ki ajdad ki imlak se KHushbu