barishon mein bhigne ki ab mujhe fursat nahin

bārishoñ meñ bhīgne kī ab mujhe fursat nahīñ

mausamoñ ke rañg meñ pahlī sī vo hiddat nahīñ

talḳhiyāñ masrūfiyat ne kuchh baḌhā diiñ is qadar

sach kahūñ shīrīñ-dahan se mujh ko to nafrat nahīñ

husn kī taqsīm meñ hī rah ga.ī koī kamī

DhūñDhtā hai dil jise vo shahr meñ sūrat nahīñ

chāhtā hai jī ki ye bhī saath ho aur vo bhī ho

kyā kareñ par jeb meñ is aish kī qīmat nahīñ

roknā thā daur-e-avval hī ke na.aroñ ko vahāñ

ab junūn-e-shahr par pāoge tum qudrat nahīñ

dil to dil kājal bhī ab to lab-kushā hone lage

is liye 'sīmā' tire alfāz kī hājat nahīñ

barishon mein bhigne ki ab mujhe fursat nahin

mausamon ke rang mein pahli si wo hiddat nahin

talKHiyan masrufiyat ne kuchh baDha din is qadar

sach kahun shirin-dahan se mujh ko to nafrat nahin

husn ki taqsim mein hi rah gai koi kami

DhunDhta hai dil jise wo shahr mein surat nahin

chahta hai ji ki ye bhi sath ho aur wo bhi ho

kya karen par jeb mein is aish ki qimat nahin

rokna tha daur-e-awwal hi ke naron ko wahan

ab junun-e-shahr par paoge tum qudrat nahin

dil to dil kajal bhi ab to lab-kusha hone lage

is liye 'sima' tere alfaz ki hajat nahin