baat bigDi hui bani hai abhi

baat bigḌī huī banī hai abhī

ik nayā rabt-e-bāhamī hai abhī

mujh ko aisā gumān hotā hai

nā-mukammal sī zindagī hai abhī

bāvajūde hazār nākāmī

zindagī meñ hamāhamī hai abhī

ek bijlī sī hai jo rah rah kar

gosha-e-dil meñ kauñdtī hai abhī

shauq se aao qāfile vaalo

rāh-e-manzil bulā rahī hai abhī

yuuñ to tum bhī udaas udaas se ho

aañkh merī bhī shabnamī hai abhī

zindagī kī talāsh meñ huuñ maiñ

zindagī mujh ko DhūñDhtī hai abhī

nazriya ek sā nahīñ rahtā

aql aur dil meñ dushmanī hai abhī

ḳhaak Daalā kiye adū har dam

phir bhī urdu meñ shustagī hai abhī

tum ġhazal ko nikhār lo 'gauhar'

chāñd tāroñ meñ raushnī hai abhī

baat bigDi hui bani hai abhi

ek naya rabt-e-bahami hai abhi

mujh ko aisa guman hota hai

na-mukammal si zindagi hai abhi

bawajude hazar nakaami

zindagi mein hamahami hai abhi

ek bijli si hai jo rah rah kar

gosha-e-dil mein kaundti hai abhi

shauq se aao qafile walo

rah-e-manzil bula rahi hai abhi

yun to tum bhi udas udas se ho

aankh meri bhi shabnami hai abhi

zindagi ki talash mein hun main

zindagi mujh ko DhunDhti hai abhi

nazriya ek sa nahin rahta

aql aur dil mein dushmani hai abhi

KHak Dala kiye adu har dam

phir bhi urdu mein shustagi hai abhi

tum ghazal ko nikhaar lo 'gauhar'

chand taron mein raushni hai abhi