بات دل میں ہو جو بھی کہا کیجیے

بات دل میں ہو جو بھی کہا کیجیے

دل ہی دل میں نہ یوں ہی جلا کیجیے

غم میں خوشیوں میں شامل رہا کیجیے

حق پڑوسی کا اپنے ادا کیجیے

کوئی شکوہ نہ کوئی گلہ کیجیے

مسکرا کر سبھی سے ملا کیجیے

میرے محبوب سے آئنہ نے کہا

دیکھ کر روز مجھ میں سجا کیجیے

میرے کوچے سے درویش کہتا گیا

چاہتے ہو بھلا تو بھلا کیجیے

آفتیں مشکلیں دور ہو جائیں گی

پنج وقتہ نمازیں ادا کیجیے

گرمیٔ غم سے انور پریشان ہے

ماں کے آنچل سے ٹھنڈی ہوا کیجیے