baat jab baat se nikalti hai

baat jab baat se nikaltī hai

baat shub.hāt se nikaltī hai

baat vo talḳh-o-tursh hai goyā

jo shikāyāt se nikaltī hai

baat vo qābil-e-adab hai jo

nek jazbāt se nikaltī hai

ḳhatm ho qalb se vo nafrat bhī

jo fasādāt se nikaltī hai

dahr meñ kashmakash hai us bū se

jo ḳhurāfāt se nikaltī hai

is havā ne jalā diye haiñ ghar

jo bhī ḳhadshāt se nikaltī hai

baat vo hāmil-e-sabaq hai jo

guzre hālāt se nikaltī hai

dahshat-e-dahr se amaañ māñgo

ye to hālāt se nikaltī hai

rū-ba-rū ho na 'faiz' se ulfat

achchhe jazbāt se nikaltī hai

baat jab baat se nikalti hai

baat shubhat se nikalti hai

baat wo talKH-o-tursh hai goya

jo shikayat se nikalti hai

baat wo qabil-e-adab hai jo

nek jazbaat se nikalti hai

KHatm ho qalb se wo nafrat bhi

jo fasadat se nikalti hai

dahr mein kashmakash hai us bu se

jo KHurafat se nikalti hai

is hawa ne jala diye hain ghar

jo bhi KHadshat se nikalti hai

baat wo hamil-e-sabaq hai jo

guzre haalat se nikalti hai

dahshat-e-dahr se aman mango

ye to haalat se nikalti hai

ru-ba-ru ho na 'faiz' se ulfat

achchhe jazbaat se nikalti hai