بات جتنی طویل ہوتی ہے

بات جتنی طویل ہوتی ہے

وہ برائے دلیل ہوتی ہے

کون سمجھا ہے ان اشاروں کو

جن سے نفرت قتیل ہوتی ہے

رب کا تحفہ ہے فہم انسانی

زیست کی وہ فصیل ہوتی ہے

ہے وہ خوش حال انساں دنیا میں

جس کی عادت جمیل ہوتی ہے

اعتماد و یقین رب پر ہو

زندگی خود کفیل ہوتی ہے

صرف باہم یقیں نہ ہونے پر

دہر بے حد ذلیل ہوتی ہے

لوگ زر پر نثار ہیں جس میں

دار فانی دخیل ہوتی ہے

دام صیاد سے نکلنے کی

مہر رب ہی سبیل ہوتی ہے

ایک احساس ہی کی دولت سے

فیضؔ دنیا خلیل ہوتی ہے