بات جو پرانی ہے اس کو بھول جاتے ہیں

بات جو پرانی ہے اس کو بھول جاتے ہیں

زندگی کو اب مل کر زندگی بناتے ہیں

بارشوں کے موسم میں بارشیں نہیں دیکھیں

موم کے بدن والے دھوپ سے نہاتے ہیں

پھول بدلیاں بارش اور چاندنی شبنم

یہ سبھی تڑپتے ہیں سب تمہیں بلاتے ہیں

تم نئے لباسوں میں خوب ہی چمکتے ہو

ہم تو کہکشاں بن کر دل میں جگمگاتے ہیں

اب نہیں کوئی رشتہ آج مدتیں گزریں

نام سے تمہارے پھر لوگ کیوں چڑھاتے ہیں

روح کا یہ میلا پن دور کر لیا ہوتا

آپ گنگا جل سے تو خوب ہی نہاتے ہیں

کھل رہی یہاں بے حد پیار کی کمی ارشدؔ

گاؤں کے وہ چوبارے آج بھی بلاتے ہیں