baat jo tumko sikhai hai purani kahna

baat jo tum ko sikhā.ī hai purānī kahnā

log kuchh bhī kaheñ tum aag ko paanī kahnā

naujavāñ bojh jo ġhairoñ ko uThā.e hañs kar

dosto us kī javānī ko javānī kahnā

maiñ musavvir to nahīñ huuñ ki kamāl aa jaa.e

apnī tasvīr ko tasvīr suhānī kahnā

kis tarah tum ne kiyā rāh-e-mohabbat kā safar

lauT aao to hameñ apnī kahānī kahnā

choT mahbūb ke hāthoñ lage koī 'jauhar'

tum ise pyaar kī anmol nishānī kahnā

baat jo tum ko sikhai hai purani kahna

log kuchh bhi kahen tum aag ko pani kahna

naujawan bojh jo ghairon ko uThae hans kar

dosto us ki jawani ko jawani kahna

main musawwir to nahin hun ki kamal aa jae

apni taswir ko taswir suhani kahna

kis tarah tum ne kiya rah-e-mohabbat ka safar

lauT aao to hamein apni kahani kahna

choT mahbub ke hathon lage koi 'jauhar'

tum ise pyar ki anmol nishani kahna