بات میں بات پیدا کر دینا

بات میں بات پیدا کر دینا

اے خدا مجھ کو یہ ہنر دینا

ایک میرا نہیں زمانے میں

کاسۂ رزق سب کا بھر دینا

ہر طرف تو ہی تو نظر آئے

اے خدا مجھ کو وہ نظر دینا

دشمنوں کے دلوں کو موم کریں

میری باتوں میں وہ اثر دینا

جو ہیں مجبور ان کو اے مولا

صاحب اقتدار کر دینا

حوصلہ عزم اور صبر و رضا

دامن زندگی میں بھر دینا

یہ دعا ہے کہ اے خدائے رحیم

پرکشش میری ذات کر دینا

دل کرے گا غموں سے سمجھوتہ

مجھ کو مقصودؔ یہ خبر دینا